უკრაინა ქუთაისის მიმართულებით ავიარეისებს გაზრდას აპირებს. მშენებლობაში. ამის შესახებ "ჯი-ეიჩ-ენს" უკრაინის ვიცე-პრემიერმა სერგეი ტიგიპკომ განუცხადა.
მისი თქმით, ერთობლივი სამთავრობაშორისი კომისიის ბოლო სხდომის ერთ-ერთი შედეგი ქუთაისი მიმართულებით ავიარეისების ზრდა იყო.
"უკრაინულ-ქართული ეკონომიკური თანამშრომლობის საკითხების ერთობლივი სამთავრობაშორისი კომისიის ბოლო სხდომის ერთ-ერთი შედეგი იყო ავიარეისების ზრდის გადაწყვეტილება, კერძოდ, ქუთაისის მიმართულებით", - განაცხადა "ჯი-ეიჩ-ენთან" საუბარში ტიგიპკომ.
მან ასევე აღნიშნა, რომ უკრაინიდან საქართველოში ავიარეისების რაოდენობა წლიდან წლამდე იზრდება.
"ბორისპოლის აეროპორტი ერთგვარ ჰაბად იქცა ქართველი მოგზაურებისთვის და ასევე ევროპელი ტურისტებისთვის, რომლებსაც საქართველოში მოხვედრა სურთ", - განაცხადა უკრაინის ვიცე-პრემიერმა.