ლილოში ქიმიური ავზიდან ქლორის გაჟონვს გამო მოსახლეობის ევაკუაციის საჭიროება არ არსებობს. დაზიანებული 800-ლიტრიანი ქიმიური ავზი უსაფრთხო ადგილზე გადაიტანეს.
ლილოში გაერთიანებული წყალმომარაგების კომპანიის ქიმიური ავზიდაბ გაჟონილი ქლორით 36 ადამიანის მოიწამლა, რომელთაგან 20 ბავშვია და 1 ორსული. დაზარალებულები მიმდებარე კორპუსებში მცხოვრები ადამიანები არიან.
ქლორის გაჟონვის გამო შესაბამისმა სამსახურებმა ჰაერის მდგომარეობაზე ტესტი ჩაატარეს. ისან-სამგორის რაიონის გამგებელის თემურ გრიგალაშვილის ინფორმაციით, ტესტმა აჩვენა, რომ მიმდებარე ტერიტორიაზე ჰაერი ნორმის ფარგლებშია და პანიკის საფუძველი არ არსებობს.
დაზარალებულები ჯანდაცვის მინისტრმა ზურაბ ჭიაბერაშვილმა მოინახულა. მინისტრის თქმით, პაციენტების მდგომარეობა დამაკმაყოფილებელია.
შეგახსენებთ, რომ ლილოში გაერთიანებული წყალმომარაგების კომპანიის ქიმიური ავზი მწყობრიდან გამოვიდა და ქლორმა გაჟონა. დაზარალებულები არიან მიმდდებარე კორპუსებში მცხოვრები ადამიანები, რომლებიც რეფერალურ საავადმყოფოსსა და ინგოროყვას კლინიკაში გადაიყვანეს. გაჟონვა მოხდა 800-ლიტრიანი ქიმიური ავზიდან, რომელსაც ონკანი მოძვრა.
