კოალიცია "ქართული ოცნების" ლიდერის, ბიძინა ივანიშვილის განცხადებით, იგი "ფოკანს" არ იყიდის. ამის შესახებ ივანიშვილმა განაცხადა ჟურნალისტის კითხვაზე - იყიდის თუ არა "ფოკანს" ლევან ვასაძისგან.
"არა, მე არ ვყიდულობ აქ ბიზნესს, მე არ მაქვს ეს დამოკიდებულება, სხვა რამე დახმარება მინდა. ლევანი საერთოდ ძალიან სიმპათიური პიროვნებაა, როგორც იცით, ძალიან ბევრ საქმეა აკეთებს ჩვენს ქვეყანაში და ძალიან საინტერესო კაცია. ბანკში იყო რაღაც საუბარი ჩემთან, რაღაც ხმები მოვიდა და მე სურვილი გამოვთქვი, რომ თუ საჭიროა, კომპანიას შეიძლება დავეხმარო, მაგრამ ყიდვის სურვილი არა გვაქვს", - განაცხადა მან.
