ხვალ, 29 ივნისს, მწერალ რეზო გაბრიაძეს 76 წელი უსრულდება. ქართველი მწერალი, კინოდრამატურგი, რეჟისორი, მხატვარი. საქართველოს სახალხო არტისტი, სახელმწიფო პრემიის ლაურეატი, ბრწყინვალების საპრეზიდენტო ორდენის კავალერი რევაზ (რეზო) ლევანის ძე გაბრიაძე 1936 წლის 29 ივნისს ქუთაისში დაიბადა.
1964 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება და 1967 წელს მოსკოვის უმაღლესი სასცენო კურსები. 1974-1980 წლებში მუშაობდა კინოსტუდია "ქართულ ფილმში". 1981 წელს გაბრიაძის ინიციატივით თბილისის ერთ-ერთ უბანში (ძველი თბილისი) დაარსდა მარიონეტების თეატრი, რომლის სამხატვრო ხელმძღვანელიც თვითონვე გახდა.
გაბრიაძის სცენარები, პიესები და პროზა უდიდესი სიკეთით, იუმორით, ადამიანებისადმი სიყვარულით, სევდითა და ოპტიმიზმითაა აღსავსე.
