26 ივნისს, აშშ ბიოლოგიური საფრთხის შემცირების პროგრამის ფარგლებში, ,,თბილისი მერიოტში'' ჩატარდა ,,დაავადებათა ზედამხედველობის ელექტრონული ინტეგრირებული სისტემის (დზეის) მე-4 ვერსიის მიმოხილვა'', სადაც ესწრებოდნენ: აშშ თავდაცვის საფრთხის შემცირების სააგენტოს, კომპანია ,, B/V", ,,Battelle ", აშშ სამხედრო საზღვაო სამედიცინო კვლევითი ცენტრის, საქართველოს სურსათის ეროვნული სააგენტოს და საქართველოს სოფლის მეურნეობის სამინისტროს ლაბორატორიის წარმომადგენლები. შეხვედრაზე განხილული იყო ლაბორატორიასა და ეროვნულ სააგენტოში დზეის მე-4 ვერსიის დანერგვასთან დაკავშირებული მთელი რიგი საკითხები: თუ როგორ უნდა მოხდეს მე-3 დან მე-4 ვერსიაზე გადასვლა, რა სიახლეებს გვთავაზობს მე-4 ვერსია და რით განსხვავდება მისი წინამორბედი ვერსიისგან, რა ფუნქციონალური შესაძლებლობები აქვს მას. შეხვედრაზე წარმოდგენილი იყო ასევე მე-4 ვერსიის დანერგვის და ტრეინინგების გრაფიკიც,იმსჯელეს სამომავლო გეგმებზე, თუ როგორ უნდა იყოს ეს სისტემა მორგებული ლაბორატორიისა და სურსათის ეროვნული სააგენტოს საქმიანობას და ქვეყნის ინტერესებიდან გამომდინარე.