მაუწყებლობის ტრანზიტის ვალდებულებასგან თავის არიდებისთვის სანქციები დაწესდება. ამის შეახებ კომპანია "ეს შენ გეხებას" წევრებმა მმართველი გუნდისგან პირობა მიიღეს.
კანონის დარღვევის შემთხვევაში, საკაბელობისთვის გარკვეული სახის სანქციების დაწესება, პარლამენტის იურიდიულ საკითხთა კომიტეტის დღევანდელ სხდომაზე, მაუწყებლობის სავალდებულო ტრანზიტთან დაკავშირებით მომზადებული კანონპროექტის განხილვისას, არასამთავრობოების წარმომადგენლებმა მოითხოვეს.
კანონპროექტის ერთ-ერთმა ავტორმა პავლე კუბლაშვილმა განაცხადა, რომ ფულადი ჯარიმების დაწესება არ იქნება სწორი და ვალდებულების დარღვევისთვის სხვა სახის სანქციების დაწესებაზე უნდა იმსჯელონ. კერძოდ, შესაძლოა საკაბელო კომპანიებს ავტორიზაცია ან ლიცენზია შეუჩერდეთ.
კუბლაშვილმა მოუწოდა არასამთავრობო ორგანიზაციებს, ერთობლივად შეიმუშაონ კონკრეტული ფორმულირება სანქციებთან დაკავშირებით.
ე.წ. მასთ ქერისთან დაკავშირებული კანონპროექტი იურიდიულმა კომიტეტმა დღეს პირველი მოსმენით დაამტკიცა. მას პარლამენტი დაჩქარებული წესით განიხილავს.
