რიყეზე პარკსა და ნარიყალას ახალი საბაგირო დააკავშირებს. საბაგარო უახლესი ტექნოლოგიებითაა აღჭურვილი, ციხესიმაგრესთან უმოკლეს დროში ადის. ხაზის სიგრძე 500 მეტრია და ის 7 გონდოლას მოიცავს.
თითოეული მათგანი შემინულია, ხოლო ერთი სრულიად გამჭვირვალე. გონდოლებიდან ძველი თბილისის ისტორიული ნაწილის - კალას და აბანოთუბნის ხედები იშლება.
საბაგირო ადაპტირებულია შეზღუდული შესაძლებლობების მქონე პირებზეც. ახალი საბაგირო დღეს თბილისის მერმა გიგი უგულავამ დიდგორის რაიონში მცხოვრებ ბავშვებთან ერთად დაათვალიერა და მათთან ერთად, გამჭირვალე გონდოლით იმგზავრა.
საბაგიროების გახსნა დედაქალაქის სხვადასხვა უბნებში, უახლოეს პერიოდში კი, ვაზისუბანში იგეგმება. თბილისი მერმა დღეს განაცხადა, რომ ბოტანიკურ ბაღს ახლად გახსნილი საბაგიროს მხრიდან მეორე შესასვლელიც ექნება. მიმდინარეობს ბოტანიკური ბაღის რეაბილიტაციაც. სარესტავრაციო სამუშაოები დაიწყება მოსწავლე ახალგაზრდობის სასახლესთან არსებულ ბაღშიც.
