ქართული ფარმაცევტული კომპანიები "საერთაშორისო გამჭვირვალობა - საქართველოს" უპირისპირდებიან. "საერთაშორისო გამჭვირვალობა - საქართველომ" ფარმაცევტული ბაზრის კვლება გამოაქვეყნა, სადაც ბაზრის უმსხვილესი მოთამაშები გარკვეულ გარიგებებში და ქვეყანაში მედიკამენტების ხელოვნურად მაღალი ფასის შექმნაში დაადანაშაულა.
"პე-ეს-პე", ავერსი" და "ჯი-პი-სი" აღნიშნულ კვლევას არასწორს უწოდებს და აცხადებს, რომ კვლევაში მოტანილი ციფრები და სხვადასხვა ტიპის ინფორმაცია საკმაოდ არასწორია.
"საერთაშორისო გამჭვირვალობა - საქართველოს" მიერ მომზადებული კვლევა დღეს "პე-ეს-პეს", ავერსის" და "ჯი-პი-სის" ხელმძღვანელებმა სპეციალურ ბრიფინგზე გააპროტესტეს და განაცხადეს, რომ ისინი არ ეთანხმებიან "საერთაშორისო გამჭვირვალობა - საქართველოს" მიერ გამოქვეყნებულ მონაცემებს საქართველოს ფარმაცევტული ბაზრის შესახებ, ვინაიდან ანგარიში არის ძალიან გაბერილი და არ შეესაბამება სიმართლეს.
"საერთაშორისო გამჭვირვალობა - საქართველოს მიერ მომზადებული კვლევა არის არასწორი და არასამართლიანი. კვლევა არასწორია, რადგანაც ის რიცხვები, რომლებიც არის ძალიან კონკრეტული და რომელზეც ყველასთვის ხელმისაწვდომია ამ კვლევაში საკმაოდ არასწორადაა მოცემული. ამ კვლებში წერია, რომ საქართველოს ფარმაცევტული ბაზარი არის 1 მლრდ 900 მლნ ლარი, რაც ნამდვილად არ შეესაბამება სინამდვილეს და ბაზარი სამწუხაროდ არის ბევრად უფრო ნაკლები.
კვლევაში ასევე წერია, რომ 2010 წელს 90 მლნ ლარზე მეტი იყო ადგილობრივი წარმოება, რაც ასევე არ შეესაბამება სიმართლეს. კვლევაში ასევე წერია, რომ საქართველოს მოქალაქის ჯანდაცვის ხარჯებში მედიკამენტების წილი არის 60 %-ი, რაც ასევე აბსოლიტურად არ შეესაბამება სინამდვილეს. პირიქით საქართველოში მედიკამენტების რეალიზაცია ერთ-ერთი ყველაზე დაბალია 1 სულ მოსახლეზე. კვლევაში ასევე გაკეთებულია აქცენტი იმაზე, რომ სხვა ფარმაცევტულ კომპანიებს ქონდათ ბარიერები ფარმაცევტულ ბაზარზე მოღვაწეობის, განსხვავებით "ავერსისა", პე-ეს-პესა" და "ჯი-პი-სისა". თითქოს მხოლოდ ამ სამ კომპანიას ქონდა და აქვს ექსკლუზივები მიმწოდებლებთან, რაც აბსოლიტურად არ შეესაბამება სიმართლეს. "ავერსს" არ ქონია და არც აქვს რაიმე იურიდიული ექსკლუზივები, რომელიმე მომწოდებელთან. მით უმეტეს, რომ ევროპის კანონმდებლობით ეს აკრძალულია და ჩვენ ვერავინ ვერ მოგვცემს ექსკლუზივს", - აღნიშნა "ავერსის" დამფუძნებელმა პაატა კურტანიძემ.
კურტანიძე აცხადებს, რომ ნამდვილად სასაცილოა ის, რომ თითქოს სხვა კომპანიებისთვის შეზღუდული წვდომა იყო ხარისხის სერთიფიკატებთან მიმართებაში და მხოლოდ "ავერსს", "ჯი-პი-სისა" და პე-ესპ-ეს" შეეძლო ეს სერთიფიკატები მიეღო.
"კიდევ უფრო სასაცილოა ის, რომ თითქოს მხოლოდ სამ კომპანიას შეეძლო მიეღო რეგისტრირებულ მედიკამენტთან ნუსხა და თითქოს სხვა კომპანიებს ამის შესაძლებლობა არ ქონდათ. ასევე კვლევაში ნახსენებია, რომ ამ სამ კომპანიას შორის არის ფარული გარიგებები. მინდა ვთქვა, რომ არანაირი ფარული გარიგებები ჩვენს შორის არ არის. გარიგებები, რომ იყოს მაშინ სადაც "ავერსის" აფთიაქია იქ არ იქნებოდა "პე-ეს-პეს" აფთიაქი და სხვა. მაშინ არ იქნებოდა ის კონკურენცია რაც დღეს არის. ჩვენს შორის არის ნამდვილად ჯანსაღი კონკურენცია. მოხდა ისე, რომ ჩვენ ვართ ერთი ინსტიტუტიდან (ხელმძღვანელობა) ვართ კურსელები, თუმც კონკურენციამ ერთმანეთის მოსისხლე მტრები ვერ გაგვხადა და იარაღი არ მიგვიშვერია ერთმანეთისთვის, თორემ ისე სხვა მხრივ ჯანსაღო კონკურენციაა ჩვენს შორის", - აღნიშნა კურტანიძემ.
"ავერსის" დამფუძნებელი აცხადებს, რომ კვლევაში მოტანილი ციფრები თითქოს და ადგილობრივ ბაზარზე მედიკამენტები 102 %-იანი ფასნამატით იყიდება სიმართლეს არ შეესაბამება.
"განსაკუთრებით მინდა ავღნიშნო კვლევის ის ნაწილი სადაც საუბარია, რომ საქართველოში წამლებზე საშუალო ფასნამატი თითქოს 102 %-ია და ევროპის ქვეყნებში კი 30-35 %-მდეა, რაც არის არარეალური. დღეს საშუალო ფასნამატი მედიკამენტებზე - განბაჟებითა და დღგ-ს ჩათვლით, ასევე დისტრიბუტორისა და აფთიაქის მოგების ჩათვლით - 25-30 %-ი, რაც ნამდვილად ნომინალურია.
უფრო ნაკლებ პროცენტში შეუძლებელია უბრალოდ, რომ კომპანიამ იარსებოს. ასევე მნიშვნელოვანია, რომ ბოლო ორ წელიწადში საქართველოში მედიკამენტები საშუალოდ 35 %-ით გაიაფდა, რაც მნიშვნელოვანია. მაგრამ ეს გაიაფება მოხდა არა იმიტომ, რომ ქართულდა სადისტრიბუციო კომპანიებმა შეამცირეს დარიცხვა, არამედ ეს გაიაფება არის ახალი კანონის დამსახურება, რომელმაც პარალელური იმპორტი დაუშვა. 2009 წლის 15 ოქტომბრამდე საქართველოში მედიკამენტის იმპორტირება შეიძლებოდა მხოლოდ იმ ერთადერთი ნიმუშის მიხედვით, რომელიც მწარმოებელს ქონდა დარეგისტრირებული საქართველოს ჯანდაცვის სამინისტროში. თუ წამლის შეფუთვა იყო ვთქვათ ინგლისურად, რუსულად თუ გერმანულად მაშინ ვერც ერთ სხვა ენაზე ან ოდნავ განსხვავებული შეფუთვით ამ მედიკამენტს ვერავინ ვერ შემოიტანდა. ახალი კანონის დამსახურება არის ის რომ დაშვებული იქნა ნებისმიერ ენაზე და ნებისმიერი შეფუთვით მედიკამენტის შემოტანა, მწარმოებლის ნებართვის გარეშე და ამის შედეგად აღმოჩნდა, რომ მულტინაციონალური კომპანიები მთელ რიგ წამლებს ყიდიან გაცილებით იაფად სხვა ქვეყნებში, ვიდრე დსთ-ს ქვეყნებში", - აღნიშნა კურტანიძემ.