საქართველოში ევროკავშირის წარმომადგენლობა ინტელექტუალური საკუთრების ეროვნულ ცენტრთან, საქპატენტთან ერთად აწყობს სემინარს ინტელექტუალური საკუთრების თემაზე, რომელიც 21 ივნისს, 14:30 საათზე, სასტუმრო "ამბასადორში" გაიმართება.
სემინარის მიზანია ცნობიერების ამაღლება ინტელექტუალური საკუთრების უფლების დაცვის მნიშვნელობის შესახებ. სემინარის მსვლელობისას მიღწეული წარმატებებისა და საქართველოს წინაშე მდგარი ძირითადი გამოწვევების შესახებ პრეზენტაციებს გამართავენ და დისკუსიაში მონაწილეობას მიიღებენ ამ სფეროში მოღვაწე ძირითადი ინსტიტუტები, მათ შორის, შემოსავლების სამსახური, შინაგან საქმეთა სამინისტრო, საგამოძიებო სამსახური და საქმიანი წრეების წარმომადგენლები.
ესტონეთის კულტურის სამინისტროს ექსპერტი მიმოიხილავს ინტელექტუალური საკუთრების დაცვის გამოცდილებას ესტონეთში. განსაკუთრებული ყურადღება დაეთმობა სახელმწიფო ორგანოებს შორის ეფექტური თანამშრომლობის ჩამოყალიბებას.
