აშშ საქართველოს ჰაერსაწინააღმდეგო თავდაცვის სისტემის, ასევე ვეტმფრენების პარკის მოდერნიზებაში დაეხმარება. ამის შესახებ ნათქვამია აშშ-ის სახელმწიფო დეპარტამენტის მიერ გავრცელებულ განცხადებაში.
"ჩვენ განვიხილეთ საქართველოსთვის საჰაერო თვალთვალის, ჰაესაწინააღმდეგო თავდაცვის და სანაპირო ზოლში დაკვირვების საშუალებების შემუშავებაში დახმარების აღმოჩენის ვარიანტები", - აღნიშნულია განცხადებაში.
აშშ ასევე მზადყოფნას გამოთქვამს საქართველოს ვერტმფრენების მოდერნიზებაში დაეხმაროს.
საყურადღებოა ის გარემოება , რომ სახელმწიფო დეპარტამენტმა შესაბამისი განცხადება აშშ-საქართველოს სტრატეგიული პარტნიორობის კომისიის სხდომის შემდეგ მიიღო, რომელიც ბათუმში ჰილარი კლინტონის მონაწილეობით გაიმართა.
