პრეზიდენტის პრესსპიკერი განათლების სფეროSი განხორციელებულ ცვლილებებს გამოეხმაურა და აღნიშნა, რომ საატესტატო გამოცდების დანერგვამ და წარმატებით განხორციელებამ, საგამოცდო სისტემის მოდერნიზაციის საჭიროება აუცილებელი გახადა.
,,,მინდა ყურადღება გავამახვილო იმ ინიციატივებზე, რომელიც განათლების სფეროში გაჟღერდა, უფრო კონკრეტულად კი გამოცდების ახლი სისტემის შემოღებაზე. ინიციატივა, ვფიქრობ, განათლების სფეროში რეფორმების განხორციელების და გაგრძელების კუთხით მნიშვნელოვანი ნაბიჯი იქნება, როგორც გითხარით ეს ეხება საგამოცდო სისტემების რეფორმას ე. წ. 8+1", _ განაცხადა პრეზიდენტის პრესსპიკერმა მანანა მანჯგალაძემ, რომელმაც აღნიშნა, რომ უკვე ორი წელია საატესტატო გამოცდები წარმატებით ხორციელდება.
,,საატესტატო გამოცდების დანერგვამ და წარმატებით განხორციელებამ, საგამოცდო სისტემის განვითარებისა და მოდერნიზაციის საჭიროება დაგვანახა. საატესტატო გამოცდები უკვე ორი წელია მიმდინარეობს ამ ორ წელიწადში ეს სისტემა იმდენად სწორი მიმართულებით იყო, რომ სამინისტრომ საჭიროდ ჩავთვალა მის მოდერნიზაციასა და გაუმჯობესებაზე ემუშავა. 2013 წელს უკვე შეგვიძლია 8+4 მოდელი, 8+1 მოდელით შევცვალოთ", _ განაცხადა ჟურნალისტებთან მანანა მანჯგალაძემ.
მისივე განცხადებით, საქართველო ვალდებულია ევროპული ქვეყნებისგან ეს გამოცდილება გაიზიაროს.
,,საქართველო როგორც იცით, ბოლონიის პროცესშია ჩართული და ლისაბონის კონვენციის მონაწილეა. იმისათვის, რომ საქართველო იყოს ერთიანი, ევროპული უმაღლესი განათლების ნაწილი ვალდებულები ვართ ეს წარმატებული გამოცდილება გავიზიაროთ, რომელიც ამ ქვეყნებშია დანერგილი და აღიარებული", _ განაცხადა ჟურნალისტებთან მანჯგალაძემ და აღნიშნა, რომ ერთიანი გამოცდების შემოღებამ განათლების სისტემაში კორუფციის არსებობა მოსპო.
,,ერთიანი ეროვნული გამოცდების შემოღებით მნიშვნელოვანი გარდატეხა მოხდა განათლების სისტემაში. ამ მოდელით აღმოიფხვრა კორუფციის შესაძლებლობა და და რაც მთავარია მოსწავლეს მიეცა საშუალება მხოლოდ თავისის ცოდნით უმაღლეს სასწავლებელში მოხვედრილიყო", _ განცხადა ტრადიციულ ბრიფინგზე მანანა მანჯგალაძემ.
