,,ეს წარდგენა მოხდება ეტაპობრივად. ოზურგეთში მოხდება წარდგენის მომდევნო ტალღა და ძალიან მალე გახდება ცნობილი საქართველოს ყველა საარჩევნო ოლქში ,,ქართული ოცნების" მაჟოროიტარების ვინაობა", _ განაცხადა ,,ქართული ოცნების" პრესსპიკერმა მაია ფანჯიკიძემ კოალიცია ,,ქართული ოცნების" მაჟორიტარების საკითხის კომენტირებისას.
მისივე თქმით, ,,ქართულ ოცნებაში" მაჟორიტარების საკითხი უკვე გარკვეულია და მხოლოდ რამდენიმე რეგიონში მიმდინარეობს მაჟორიტარების შერჩევა.
,,არის რეგიონები სადაც მიმდინარეობს მსჯელობა, თითოეულ რეგიონში გვყავს რამდენიმე ღირსეული კანდიდატურა, ხდება პოზიციების შეჯერება. ხდება ფიქრი იმაზე, თუ ვინ სად შეიძლება უკეთესად წარავდგინოთ, თუმცა ჩვენ 4-5 საარჩენი ოლქის გარდა ყველგან გვყავს ერი ან რამდენიმე კანდიდატი რომელთა წარდგენა ეტაპობრივად მოხდება", _ განაცხადა ფანჯიკიძემ.
შეგახსენებთ: ბიძინა ივანიშვილმა იმერეთის რეგიონში მაჟორიტარების ნაწილი დაასახელა.
ქუთაისი_გუბაზ სანიკიძე, სამტრედია_კახი კალაძე, ბაღდადი-არჩილ კბილაშვილი, ზესტაფონი_გოგი ქავთარაძე, ტყიბული_ელისო ჩაფიძე, ხარაგაული_ ნოდარ ებანოიძე.
