ასტრონომების მცდელობა, გაეგოთ რადიოგადაცემა მზის სისტემის პლანეტაზე (Gliese) 581 პოტენციურად მობინადრე სავარაუდოდ უცხოპლანეტელთა ცივილიზაციისა, უშედეგოდ დამთავრდა. მეცნიერებმა ვერ აღმოაჩინეს ამ სისტემის ხელოვნური სიგნალები.
ვარსკვლავი - წითელი ჯუჯა Gliese 581, განლაგებული დედამიწიდან 20 სინათლის წლის მანძილზე, სასწორის თანავარსკვლავედში, წარმოადგენს სისტემის ოთხი პლანეტის დიასახლისს. ორი მათგანი - GJ 581c და GJ 581d განეკუთვნება "სუპერდედამიწის" რიცხვს. მათი მასა შესაბამისად 5-6-ჯერ აღემატება დედამიწის მასას, რაც ნიშნავს, რომ ამ სხეულებს მყარი ზედაპირი აქვთ.
გარდა ამისა GJ 581c და GJ 581d ხვდებიან "სიცოცხლის ზონაში"- ასე უწოდებენ ასტრონომები ვარსკვავებამდე მანძილის დიაპაზონს, სადაც პლანეტაზე შეიძლება იყოს წყალი თხევად მდგომარეობაში, ეს კი ნიშნავს სიცოცხლის არსებობას. პლანეტა с არის სიცოცხლის ზონის "ცხელი", ხოლო d "ცივი" მხარეები, როგორც ვენერა და მარსი მზის სისტემაში.
ავსტრალიის კერტინის უნივერსიტეტის რადიო ასტრონომიის საერთაშორისო ცენტრის ჯგუფმა ჰაიდენ რამპადარატის ხელმძღვანელობით გადაწყვიტა "მოესმინა" ეს სისტემა, რათა შეემოწმებინათ ზემაღალი ბაზით რადიოინტერფერომეტრიის მეთოდის შესაძლებლობა არამიწიერი გონიერების საძიებლად.
ინტერფერომეტრია- ერთ და იგივე ობიექტზე ერთდროულად დაკვირვების მეთოდი განსაზღვრულ მანძილზე მოცილებული მოწყობილობების დახმარებით- საშუალებას იძლევა ცაზე გავარჩიოთ მცირე ობიექტები.
ინტერფერომეტრი Australian Long Baseline Array, რომელზეც მუშაობდა რამპადარატის ჯგუფი, შედგება ერთმანეთისგან რამდენიმე ასეული კილომეტრით დაშორებული სამი რადიოტელესკოპისგან.
ამ სისტემის სივრცითი გადაწყვეთა ედრება ცნობილი კოსმოსური ტელესკოპის "Hubble" გადაწყვეტას.
ამ სისტემის დახმარებით დაკვირვების დროს, რომელიც გამოყენებულ იქნა ჯერ კიდევ 2007 წლის ივნისში 1230-1544 მეგაჰერცის დიაპაზონში, მეცნიერებმა აღმოაჩინეს უცხოპლანეტური ცივილიზაციის 222 პოტენციური სიგნალი. თუმცა, შემდგომმა ანალიზმა აჩვენა, რომ არც ერთი ამ სიგნალებიდან არ გამოდიოდა Gliese 581 სისტემიდან.
ამასთან, ასტრონომები დარწმუნდნენ, რომ VLBI მეთოდი იდეალურადაა მორგებული არამიწიერი გონიერების საძიებლად და შეიძლება გამოყენებულ იქნას მომავალი თაობის რადიოინტერფერომეტრისთვის, როგორიცაა მეგატელესკოპი SKA, რომლის მშენებლობა 2016 წელს იგეგმება.
მოსალოდნელია, რომ SKA შეძლებს დაეხმაროს მეცნიერებს გამოიკვლიონ გალაქტიკის ფორმირების პროცესი და შავი ხვრელები, ასევე მონაწილეობა მიიღოს არამიწიერი ცხოვრების ძიებაში.
