"თქვენმა სიტყვებმა ჩიკაგოს სამიტზე ყველას დაანახა, რომ საქართველო ახლოსაა ევროატლანტიკურ მისწრაფებასთან", - ამ სიტყვებით მიმართა საქართველოს პრეზიდენტმა მიხეილ სააკაშვილმა აშშ-ის სახელმწიფო მდივანს, ჰილარი კლინტონს ერთობლივ ბრიფინგზე.
"იანვარში პრეზიდენტმა ობამამ ამერიკასა და საქართველოს შორის თავისუფალი ვაჭრობის შეთანხმების პერსპექტივაზე ილაპარაკა. მივესალმები იმ ახალი დონის დიალოგს, რომელიც მას შემდეგ დაიწყო და რომელიც მოგვცემს შესაძლებლობას, მივუახლოვდეთ დასახულ მიზნებს, რომელზედაც ამერიკის პრეზიდენტი ლაპარაკობდა. მინდა მადლობა გითხრათ თქვენ თქვენი პირადი მხარდაჭერისთვის და მინდა ითქვას, რომ რომ ის თქვენი მხარდაჭერა, რომელსაც თქვენ გამოხატავთ, არის ჩვენი ერთობლივი ინტერესების ფარგლებში", - განაცხადა სააკაშვილმა და კლინტონს კიდევ ერთხელ გადაუხადა მადლობა მხარსაჭერისთვის საქართველოს ჩრდილოატლანტიკურ ალიანსში ინტეგრაციის საკითხებისადმი.
"ჩიკაგოს სამიტზე იყო ლაპარაკი, რომ ეს არის ძალიან მნიშვნელოვანი წინ გადადგმული ნაბიჯი საქართველოსთვის", - განაცხადა მან.
28 მოკავშირის შეხვედრაზე, სადაც ასპირანტ ქვეყნებთან ერთად საქართველო ჩადგა იმავე ჯგუფში, იმ სიტყვებმა, რომელიც თქვენ წარმოთქვით ნატოს გაფართოების პერსპექტივასთან დაკავშირებით, ყველას დაანახა, რომ საქართველო ახლოსაა ევროატლანტიკურ მისწრაფებასთან, უფრო ახლოა, ვიდრე მანამდე იყო. შესაბამისად, თქვენი სიტყვები ჩიკაგოში მალამოსავით იყო ჩემი ყურებისთვის.
სააკაშვილის განცხადებით, ჩვენ გვჭირდება ეს ყველაფერი იმისთვის, რათა გავაგრძელოთ რეფორმები და ვაჩვენოთ ჩვენი ერთგულება ჩვენს მოკავშირეებს.
