საქართველოს პრემიერ-მინისტრი ნიკა გილაური ქართულ ამერიკული ქარტიის ფარგლებში მომუშავე რამდენიმე ჯგუფის სხდომის დასრულების შემდეგ გაკეთებულ პირველ კომენტარში ჰილარი კლინტონის პოლიტიკურ „მესიჯებზე" საუბრისას აცხადებს, რომ კლინტონის მიერ გაკეთებული „მესიჯებისგან" უმნიშვნელოვანესი დეოკუპაციისკენ მოწოდება იყო.
„უმნიშვნელოვანესი რა თქმა უნდა დეოკუპაციისკენ მოწოდება რუსეთისადმი, იმიტომ რომ სწორედ აშშ იყო, რომელმაც პირველად ახსენა ეს ტერმინი „ოკუპაცია" საერთაშორისო ტერმინოლოგიაში.
შესაბამისად ჰილარი კლინტონის მიერ ამის კიდევ ერთხელ დაფიქსირება საქართველოდან, ბათუმიდან, რა თქმა უნდა უმნიშვნელოვანესია", _ აცხადებს ნიკა გილაური და აღნიშნავს, რომ მეორე ნაწილი პოლიტიკური „მესიჯისა" ეს არის ნატო და ჩიკაგოს სამიტი.
„სწორედ ჰილარი კლინტონი იყო ის ადამიანი, რომელმაც ნატოს ჩიკაგოს სამიტზე გააკეთა განცხადება, რომ ის იმედოვნებს, რომ ეს იქნება ბოლო ნატოს სამიტი, სადაც არ მოხდება ნატოს გაფართოება. შესაბამისად ის არის სწორედ ის პიროვნება, რომელიც მხარს უჭერს როგორც საქართველოს ასევე სხვა ქვეყნების ნატოში გაწევრიანებას და ერთ-ერთი ყველაზე დიიდ მხარდამჭერი ჩვენ სწორედ ჰილარი კლინტონი გვყავს", _ აცხადებს ნიკა გილაური.
