რუსეთი ჟენევის საერთაშორისო მოლაპარაკების მორიგ რაუნდზე თავის მიერ წამოყენებული ძალის გამოუყენებლობის შესახებ დოკუმენტზე მოლაპარაკებათა სხვა მონაწილეების პასუხს ელის. ამას გარდა, რუსული დელეგაცია, ოსი სეპარატისტების ე.წ. დელეგაციასთან ერთად, ჟენევის დისკუსიის ამ რაუნზე აპირებს განიხილოს ტერმინების „ოკუპაცისა" და „ოკუპირებული ტერიტორიები" მიზანშეწონილობა საერთაშოროსო სამართალთან მიმართებაში. ინფორმაციას ამის შესახებ რუსეთის საგარეო საქმეთა სამინისტრო ავრცელებს.
„სამუშაო ჯგუფის ფარგლებში გაიმართება აზრთა გაცვლა კავკასიაში ხანგრძლივვადიანი სტაბილურობის დამყარების საკვანძო საკითხზე, რომელიც აფხაზეთისა და სამხრეთ ოსეთის მყარი უსაფრთხოების უზრუნველყოფას ეხება და რომელიც 2008 წლის მედვედევისა და სარკოზის გეგმით არის გათვალისწინებული.
ამასთან დაკავშირებით, რუსული მხარე ჟენევის საერთაშორისო მოლაპარაკებათა სხვა მონაწილეებისაგან ელის პასუხს თავის პროექტზე, რომელიც ძალის გამოუყენებლობის შესახებ საერთო განცხადებას ეხება და რომელიც მარტში გამართულ წინა შეხვედრაზე იქნა გამოტანილი", _ ნათქვამია რუსეთის საგარეო უწყების მიერ გავრცელებულ განცხადებაში და იქვე აღნიშნულია, რომ ამასთან ერთად, ასევე ძალაში რჩება რუსული წინადადება უსაფრთხოების ერთობლივი საერთაშორისო გარანტიების შესახებ, რომელიც ამყარებს აფხაზური, ქართული და ე.წ. სახრეთოსული მხარის მიერ ცალმხრივად გაკეთებულ განცხადებებს ძალის გამოუყენებლობის შესახებ 2010 წელში.
„შეხვედრაზე ასევე ტრადიციულად განხილული იქნება სიტუაცია აფხაზეთისა და სამხრეთ ოსეთის საზღვრების მიმდებარე ტერიტორიებზე და ასევე განიხილება ინციდენტების პრევენციისა და მათზე რეაგირების სამუშაო ჯგუფების შეხვედრების საქმიანობა. მიზანი - ამ მიმართულებით შექმნილი რთული სიტუაციიდან გამოსავლის მოძებნაა.
ამას გარდა, სამხრეთ ოსეთის დელეგაციის ინიციატივით, რაუნდის დასაწყისში 7 ივნისს გაიმართება საინფორმაციო სესია ცნება „ოკუპაცია"-სა და „ოკუპირებული ტერიტორიების" შესახებ. მასში მონაწილეობას მიიღებენ საერთაშორისო სამართლის ავტორიტეტული ექსპერტები და ამ სესიის შედეგების განხილვა აუცილებლად სასარგებლო იქნება ჟენევის დისკუსიის უშიუალოდ რეგულარული შეხვედრის დროს", _ ნათქვამია სერგეი ლავროვის უწყების მიერ გავრცელებულ განცხადებაში.
რუსულ დელეგაციას ჟენევის საერთაშორისო მოლაპარაკებებზე რუსეთის საგარეო საქმეთა მინისტრის მოადგილე გრიგორი კარასინი უხელმძღვანელებს.
შეგახსნებთ, რომ ჟენევის საერთაშორისო მოლაპარაკებათა მორიგი რაუნდი მიმდინარე წლის 7-8 ივნისს გაიმართება.
