სამოქალაქო მოძრაობა "ქართულ-აფხაზური და ქართულ-ოსური სახლის" დამფუძნებელმა და ლიდერმა, პროფესორმა ნესტან კირთაძემ შეხვედრები ევროკავშირისა და გერმანიის საგარეო საქმეთა სამინისტორების ოფიციალურ წარმომადგენლებთან- ევროკავშირის საგარეო პოლიტიკის კურატორთან საქართველოს საკითხებში, ბ-ნ ფილ ენარსონთან და გერმანიის საგარეო საქმეთა სამინისტროს სამხრეთ კავკასიისა და ცენტრალური აზიის დეპარტამენტის თავმჯდომარის მოადგილესთან, ბ-ნ ლენკთან გამართა.
"ჩვენ განვიცდით "ქართულ-აფხაზური და ოსური სახლის" მსაგავსი უნიკალური ინიციატივების ნაკლებობას სამხრეთ კავკასიის რეგიონში; თქვენს მოძრაობას აქვს უდიდესი პოტენციალი გახდეს გამაერთიანებელი პლატფორმა რეგიონში მშვიდობიანი და ინტეგრაციული განვითარებისათვის." - აღნიშნა შეხვედრისას ევროკავშირის საგარეო უწყების ოფიციალურმა წარმომადგენელმა ბ-მა ენარსონმა და შესთავაზა კირთაძეს, რათა "ქართულ-აფხაზური და ოსური სახლი" გახდეს დასავლური პარტნიორობის სამოქალაქო საზოგადოების ნაწილი.
,, ქართულ_აფხაზური და ოსური სახლი, როგორც სამშვიდობო ინსტიტუცია გახდება დამაკავშირებელი ხიდი აფხაზეთსა და ევროპას, სამხრეთ ოსეთსა და ევროპას შორის. ჩვენ არ ვეხებით პოლიტიკური სტატუსის საკითხებს. ეს უაღრესად რთული და მგრძნობიარე საკითხია, მაგრამ ხალხებს შორის ნდობისა და თანამშრომლობის საკითხი, ჩვენს ვალდებულებად მიგვაჩნია,,-განაცხადა ნესტან კირთაძემ გერმანიის საგარეო საქმეთა სამინისტროში შეხვედრის დროს.
ხანგრძლივი, საქმიანი და კონკრეტული შედეგებით დასრულდა ნესტან კირთაძის შეხვედრა დასავლეთის კომიტეტის რეგიონალურ დირექტორთან უკრაინის, ბელორუსიის, სამხრეთ კავკასიისა და ცენტრალური აზიის საკითხებში, ბ-ნ ჰოფმანთან. შეხვედრაზე ნესტან კირთაძემ თხოვნით მიმართა გავლენიან გერმანულ მხარეს, რომ პარტნიორობის ფარგლებში ხელი შეუწყონ საშუალო და მცირე ბიზნესის განვითარების, თავისუფალი სავაჭრო ურთიერთობების, ტრანსპორტის, თავისუფალი გადაადგილებისა და ჯანდაცვის ეფექტური და რეალური პროგრამების განხორციელებას, რაც ხელს შეუწყობს ქართველი, აფხაზი და ოსი ხალხის ურთიერთობების განახლებას და სტაბილური სამშვიდობო პროცესის დაწყებას საქართველოში და მთლიანად რეგიონში.
შეხვედრა მხარეებს შორის პარტნიორობის შესახებ შეთანხმებით დასრულდა და გამოითქვა სურვილი, რომ სწორედ ქართულ-აფხაზური და ოსური სახლის მედიაციით მოხდეს გერმანელი ბიზნესმენების ჩასვლა აფხაზეთსა და ცხინვალის რეგიონში და ინვესტირების პოტენციალის შეფასება და კონკრეტული ბიზნეს პროექტები განხორციელება, მათ შორის, ახალგაზრდა და ქალბატონი მეწარმეებისათვის ხელშეწყობა.
ნესტან კირთაძემ 30 მაისს ორ კვირიანი ოფიციალური ვიზიტი ვეროპაში დაასრულა და სამშობლოში დაბრუნდა.
ვიზიტის შედეგების გაცნობას იგი ქართული მედიასთან და საქართვველოში აკრედიტირებულ დიპლომატიურ კორპუსთან და ელჩებთან და საერთასორისო ორგანიზაციებთან გეგმავს.
