1-ელ ივნისს, 19:00 საათზე, თბილისის დიდ საკონცერტო დარბაზში "ბასტი-ბუბუს" 20 წლის იუბილესადმი მიძღვნილი კონცერტი გაიმართება. კონცერტზე წარმოდგენილი იქნება "ბასტი-ბუბუს" გუნდის 20 საუკეთესო პროექტი, შესრულდება 20 ახალი საბავშვო სიმღერა.
1992 წლის 10 მაისს პირველი არხის ეთერში პირველად გავიდა ყოველთვიური საბავშვო მუსიკალური გადაცემა "ბასტი-ბუბუ". სიტყვა "ბასტი-ბუბუ" ქართულია და ნიშნავს ჟრიამულს, ბავშვების მიერ გამოწვეულ აურზაურს.
"ბასტი-ბუბუს" საიუბილეო კონცერტი თბილისის მერიის მხარდაჭერით გაიმართება.
