სირიის ოპოზიციამ პრეზიდენტ ბაშარ ასადს ულტიმატუმი წაუყენა. Al Arabiya-ს ინფორმაციით ასადს 48 საათი მისცეს, რათა მან ქვეყანაში ვითარების დარეგულირების გეგმა შეასრულოს.
"სირიის თავისუფალი არმიის გაერთიანებული სარდლობა აცხადებს, რომ აძლევს რეჟიმს ბოლო 48 საათს გაეროს უშიშროების საბჭოს რეზოლუციის შესასრულებლად", - განაცხადა ვიდეომიმართვაში პოლკოვნიკმა კასიმ საადედინმა.
მისი განმარტებით, ასადმა უნდა დაიცვას სპეცწარგზავნილის, კოფი ანანის გეგმა, წინააღმდეგ შემთხვევაში ამას შესაბამისი შედეგები მოყვება.
"ულტიმატუმი პარასკევს (ადგილობროვი დროით) 12:00 საათზე ამოიწურება, რის შემდეგაც ჩვენ თავისუფალი ვიქნებით ყველა ვალდებულებისგან და დავიცავთ მშვიდობიან მოსახლეობას, მათ სახლებს და ქალაქებს", - ნათქვამია მიმართვაში.
შეგახსენებთ, რომ კოფი ანანის გეგმა აპრილიდან ამოქმედდა. მისი პირველი მოთხოვნა ცეცხლის შეწყვეტა იყო. აღნიშნულ პროცესზე დასაკვირვებლად სირიაში გაეროს 70 დამკვირებელი ჩავიდა, თუმცა შედეგად ქვეყანაში ძალადობა არ შეწყვეტილა.
გაეროს მონაცემებით სირიაში მიმდინარე დაპირისპირებას ათი ათსზე მეტი ადამიანი ემსხვერპლა.
