საჯაროდ გახმაურებული მსჯავრდებული პეტრე ოვანოვის საქმესთან დაკავშირებით დამატებითი ცნობები ვრცელდება. მას შემდეგ, რაც მას - მედიის საშუალებით საჯარო გახდა, მსჯავრდებული პეტრე ოვანოვის მიმართ, #15 სასჯელაღსრულების დაწესებულების ხელმძღვანელობის მხრიდან მისი გაუპატიურების ფაქტი, მსჯავრდებულმა რამოდენიმე საათის შემდგომ დაურეკა ადვოკატს და სთხოვა, რომ შეეჩერებინა ყველა სახის მოქმედება, რაც მათ მიერ იყო შეთანხმებული.
ორგანიზაცია, "სოლიდარობა უკანონო პატიმრებს" ინფორმაციით, მსჯავრდებული ასევე ორჯერ იყო მონახულებული სახალხო დამცველის წარმომადგენლების მიერ. აღნიშნულის შემდგომ ადვოკატმა ვლადიმერ მაჭარაშვილმა კიდევ ერთხელ მოინახულა მსჯავრდებული ოვანოვი, რომელსაც კვლავ არ უარყვია მის მიმართ მომხდარი ფაქტის შესახებ. თუმცა იმის გამო, რომ იმყოფება იმავე დაწესებულებაში, რომლის ხელმძღვანელი პირებიც დაადანაშაულა მის მიმართ განხორციელებულ ძალადობრივ დანაშაულში, ბუნებრივია მისი თავისუფლად აზრის გამოხატვა მინიმუმ შეზღუდულია.
ადვოკატ მაჭარაშვილის განცხადებით, ცხადია მსჯავრდებული პეტრე ოვანოვი არის ადმინისტრაციის მიერ ძლიერი ფსიქოლოგიური ზეწოლის ქვეშ, იგი აიძულეს ამგვარი რამ განეცხადებინა სახალხო დამცველისათვის და სანამ იგი გადაყვანილი არ იქნება სხვა სასჯელაღსრულების დაწესებულებაში ცხადია, რომ მსჯავრდებული თავისუფლად ამ თემაზე ვერ ისაუბრებს.
მსჯავრდებულ ოვანოვის სხვა დაწესებულებაში გადაყვანის თაობაზე უკვე გაკეთდა მიმართვა ადვოკატ მაჭარაშვილის მხრიდან საჯელაღსრულების მინისტრის და სახალო დამცველის სახელზე. თუმცა ამ დრომდე ოვანოვი კვლავ იმავე დაწესებულებაში რჩება.
აღნიშნულ ფაქტზე დაწყებულია გამოძიება და იგეგმება მსჯავრდებულ ოვანოვის დაკითხვა, თუმცა შეუძლებელია ობიექტური ჩვენების მიცემა მსჯავრდებულ ოვანოვის მხრიდან ვიდრე იგი არ იქნება გადაყვანილი სხვა დაწესებულებაში.
