კოლიცია ,,ქართული ოცნება" საარჩევნო კამპანიას იწყებს. თავისუფლების მოედანზე კოალიციის აქცია 15:00 საათზე დაიწყება.
აქციის დაწყებამდე მისი მონაწილეები მანიფესტაციას მოაწყობენ.
როგორც ”ქართულ ოცნებაში” აცხადებენ, აქციის მონაწილეებს კოალიციის ლიდერი ბიძინა ივანიშვილი მიმართავს. აქცია სავარაუდოდ ერთი საათი გაგრძელდება.
,ქართულ ოცნებას" არც ერთი პოლიტიკური პარტიისთვის 27 მაისს დაგეგმილ მანიფესტაციაზე მოსაწვევი არ გაუგზავნია. თუმცა კოალიცია ,,ქართული ოცნების" ერთ-ერთი ლიდერის, ზვიად ძიძიგურის განცხადებით, ის პოლიტიკური პარტიები, რომლებიც კოალიციის მიერ ორგანიზებულ მანიფესტაციას შეუერთდებიან, ნიშნავს იმას, რომ ისინი ,,ქართული ოცნების" მხარდამჭერები არიან.
,,მოსაწვევები არც ერთი პარტიისთვის არ გაგვიგზავნია, რადგან ეს არის ჩვენი კოალიციის საარჩევნო კამპანიის პრეზენტაცია და აქედან გამომდინარე ვფიქრობ, ეს არის ღონისძიება, რომელიც ტარდება კოალიცია ,,ქართული ოცნების" ლიდერებისა და მხარდამჭერების მონაწილეობით", _ განაცხადა ძიძიგურმა და დასძინა, რომ ,,მე კიდევ ერთხელ ხაზს ვუსვამ ეს ღონისძიება არის კოალიცია ,,ქართული ოცნების" წინასაარჩევნო კამპანიის დაწყება და ორგანიზება გავუკეთეთ იმას, რომ 27-ში ჩვენი მხარდამჭერები მოსულიყვნენ. თუკი რომელიმე პარტია აქ მოდის ეს იმას ნიშნავს, რომ ისინი პოლიტიკური კოალიცია ,,ქართული ოცნების" მხარდამჭერები არიან და ამას მხოლოდ მივესალმები.
შეგახსენებთ: პოლიტიკური პარტია ,,საქართველოს გზა- სალომე ზურაბიშვილი" და ,,მწვანეთა პარტიამ" განაცხადეს, რომ ისისნი 27 მაისს ,,ქართული ოცნების" მიერ ორგანიზებულ მანიფესტაციას უერთდებიან.
