არაბები აჭარის საინვესტიციო გარემოს გაეცნენ. აჭარის მთავრობის თავმჯდომარემ, ლევან ვარშალომიძემ საუდის არაბეთის სამეფოს მეჯლის აშ-შურას, არაბეთ-საქართველოს საპარლამენტო მეგობრობის ჯგუფის წევრები მიიღო და აჭარის საინვესტიციო და ტურისტული პოტენციალი გააცნო. შეხვედრაზე საუბარი აჭარაში ეკონომიკურ და ბიზნეს სფეროში მიმდინარე საკითხებს შეეხო.
სტუმრების განცხადებით, საქართველო ბიზნესის კეთების სიმარტივისა და ლოიალური საგადასახადო სისტემის თვალსაზრისით, კავკასიის რეგიონში ერთ-ერთი წამყვანი ქვეყანაა, რაც ინვესტიციების მოზიდვას უწყობს ხელს. ამიტომაც არაბებმა ბიზნეს ურთიერთობების გაღრმავების სურვილი გამოთქვეს, ისინი ეკონომიკური რეფორმების ქართულ კანონმდებლობასაც გაეცნენ.
8-კაციან დელეგაციას მეჯლისის თავმჯდომარე, აბდულა ზამილ აბდულრაჰმან ალდრესი ხელმძღვანელობს. სტუმრები ბათუმის იუსტიციის სახლსა და სარფის საბაჟო გამშვებ პუნქტს დაათვალიერებენ.