,,ჩემი განცხადება არ ნიშნავს იმას, რომ მე უარს ვამბობ არჩევნებში მონაწილეობაზე. მე როგორც ვიყავი და განვაცხადეთ ვრჩები კოალიციის ლიდერად. მოგვიანებით ჩამოყალიბდება ბლოკი. ბლოკის სახელი იქნება ,,ივანიშვილი - ქართული ოცნება" და მე ვრჩები ლიდერად", - განაცხადა ჟურნალისტებთან ,,ქართული ოცნების" ლიდერმა ბიძინა ივანიშვილმა მის მიერ გავრცელებული წერილის კომენტირებისას და აღნიშნა, რომ შესაძლოა ის საარჩევნო სიაში პირველ ნომრად არ ჩაეწეროს.
,,შეიძლება არ ჩავეწერო სიაში პირველ ნომრად, მაგრამ ეს არაფერს არ ნიშნავს. საქართველოს მოსახლეობას ექნება სწორებისთვის ყველაფერი და ამაზე ბლოკის სახელი მიანიშნებს კარგად. ჩვენ მოვალთ და გავიმარჯვებთ აუცილებლათ",- აცხადებს ივანიშვილი.
მისივე განცხადებით, ის აუცილებლათ დაიბრუნებს მოქალაქეობას და გახდება პრემიერი.
,,რამდენიმე დღეში მოსვლიდან დავიბრუნებ, აღვიდგენ მოქალაქეობას, რაც კანონით მეკუთვნის და პრემიერ-მინისტრის პოსტსაც დავიჭერ და ყველაფერი ისე იქნება, როგორც გპირდებით", - განაცხადა ბიძინა ივანიშვილმა.
შეგახსენებთ, ბიძინა ივანიშვილის მიერ გავრცელებული წერილის თანახმად, ,,ქართული ოცნების" ლიდერი, საპარლამენტო არჩევნებში მონაწილეობას არ გეგმავს, თუ მას კანონით დაადგენილი წესით არ მიენიჭება საქართველოს მოქალაქეობა. ივანიშვილი პრეზიიდენტს მოუწოდებს ვეტო დაადოს პარლამენტის მიერ მიღებულ საკონსტიტუციო ცვლილებებს.