"ერაყის პრეზიდენტი ჯალალ თალაბანი პირობას დებს, რომ ამ ქვეყანაში დაკავებულ რუს ბაიკერებს მალე გაათავისუფლებს", - ეს განცხადება რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა გააკეთა.
"ელჩი ამ საკითხთან დაკავშირებით ერაყის პრეზიდენტს შეხვდა, რომელიც დაგვპირდა, რომ ჩვენი მოქალაქეები მალე იქნებიან განთავისუფლებულნი. იმედი ვიქონიოთ, რომ ეს ასეც მოხდება", _ განაცხადა ლუკაშევიჩმა მოსკოვში გამართულ ბრიფინგზე.
მისივე ინფორმაციით, რუსი ტურისტების დაკავების მიზეზი ვიზა გახდა. ისინი ისე შევიდნე ერაყის ტერიტორიაზე თურქეთიდან რომ ერაყის მოქმედი ვიზები არ ჰქონდათ.
"რუსეთის მოქალაქე მოტომოგზაურებს ოთხ ადამიანს, ერაყის მოქმედი ვიზა არ ჰქონდათ, ამას მე ხაზგასმით ავღნიშნავ", _ აცხადებს ლუკაშვიჩი.
ამავდროულად, რუსეთის მოტოკლუბის წარმომადგენლები აცხადებენ, რომ რუსეთის მოქალაქეებს ჯაშუშობაში ადანაშაულებენ და ათწლიანი პატიმრობით ემუქრებიან. თუმცა ამაზე რუსეთის საგარეო საქმეთა სამინისტროს ოფიციალური წარმომადგენელი აცხადებს, რომ რუსეთის საგარეო უწყებისათვის ამ ბრალდების შესახებ ცნობილი არაფერია.
