ესპანეთი არ აპირებს, კრიზისის დაძლევისა და საბანკო სექტორის სტაბილიზაციისათვის დახმარება ევროკავშირს სთხოვოს. როგორც ქვეყნის პრემიერ-მინისტრმა მარიანო რახოიმ განაცხადა, ის ვერ ხედავს საჭიროებას, რომ ფინანსური დახმარება ითხოვოს.
პრემიერ-მინისტრის განმარტებით, ხანგრძლივი კონსულტაციებისა და მოლაპარაკებების შედეგად ქვეყანამ მიიღო გადაწყვეტილება, რომ საბიუჯეტო დეფიციტი შეამციროს. მისი განმარტებით, ევროკავშირის გადაწყვეტილება, რომ ქვეყანაში Eurostat-ის წარმომადგენლობა გაგზავნოს, სწორედ საბიუჯეტო დეფიციტის შემცირების მცდელობის ფაქტს უკავშირდება.
