ჩინეთის ხელისუფლებამ Google Inc-ს ნება დართო, რომ ინტერნეტგიგანტი Motorola Mobility-ს აქციების მფლობელი გახდეს. შესაბამისად, Google-ს მოიხსნა ყველა ბარიერი, რაც კი მას ბიზნესის გაფართობაში ხელს უშლიდა.
ჩინეთის ვაჭრობის სამინისტროს მიერ გავრცელებულ განცხადებაში აღნიშნულია, რომ შეთანხმების მიხედვით, Google ვალდებულია Android-ი, სხვადასხვა ოპერაციული სისტემისთვის კვლავინდებურად ღია და უფასო დატოვოს.
შეგახსენებთ, რომ Google-მა და Motorola Mobility-მ შერწყმაზე, ჩინეთის ანტიმონოპოლიურ უწყებაში განაცხადი გასული წლის სექტემბერში შეიტანეს. გარიგების მიხედვით, Google-ი Motorola-ს აქტივების მფლობელი 12,5 მლრდ დოლარად ხდება. აღსანიშნავია, რომ ჩინეთის კანონმდებლობის თანახმად, კომპანია, რომელიც წელიწადში 10 მლრდ იუანს (1,5 მლრდ დოლარს) გამოიმუშავებს, ვალდებულია, გასხვისებაზე ნებართვა ჩინეთის მთავრობისგან მიიღოს.
