იურიდიული კომიტეტის თავმჯდომარე პავლე კუბლაშვილი "ქრისტიან-დემოკრატების" საკონსტიტუციო ცვლილებების ინიციატივას, რომელიც ქვეყანაში მორალისა და ტრადიციული ცხოვრების წესის შენარჩუნებას ეხება, კატეგორიულად ეწინააღმდეგება.
როგორც მან აღნიშნული საკითხის კომენტირებისას ჟურნალისტებთან განაცხადა, "ქრისტიან-დემოკრატიული მოძრაობის" წევრების დღეს გაჟღერებული ინიციატივა მთლიანად ჰომოფობიურია.
"ვფიქრობ, რომ ის გამოსვლა, რაც თარგამაძესა და ლალიაშვილს ჰქონადთ, იყო თავიდან ბოლომე ჰომოფობიური, დისკრიმინაციის მუხტით განმსჭვალული გამოსვლა. აქედან გამომდინარე, ხაზს ვუსვამ, რომ ჩვენი ქვეყანაში, არის თავისუფალი საზოგადოება, სადაც კანონი და კონსტიტუცია არის პირველი გარანტი იმისა, რომ არავის არანაირი ნიშნით დისკრიმინაცია და შეზღუდვები არ მოხდება, არც რელიგიური, არც ეთნიკური, არც ნებისმიერი სხვა კუთხით", - განაცხადა კუბლაშვილმა და დასძინა, რომ ამის გარანტია არის დღევანდელი ხელისუფლება და პარლამენტი.
შეგახსენებთ, "ქრისტიან-დემოკრატები" "სოდომისეული ცოდვის აღსაკვეეთად" კოსტიტუციაში შესატანი ცვლილებების პაკეტს ამზადებენ.
