როგორც პარლამენტის დღევანდელ პლენარულ სხდომაზე მოძრაობის ლიდერმა გიორგი თარგამაძემ განაცხადა, პატრიარქის მიერ ეპისტოლეში გამოთქმული გაფრთხილება, სოდომისეული ცოდვის პოპულარიზებასთან დაკავშირებით, მწავე რეალობად იქცა და საზოგადოებამ გეი აღლუმიც კი იხილა თბილისის ქუჩებში.

მისი თქმით, ,,ქრისტიან-დემოკრატები,, ყოველგვარი ძალადობის წინაარმდეგნი არიან, თუმცა ასევე წინააღმდეგი არიან, რომ მომხდარი ფაქტი შეფასდეს როგორც სექსულური უმცირესობების მშვიდობიანი გასეირნება.

,,ასეთი აქტივობების მიზანი ძალიან შორს გამიზნული და მნიშვნელოვანი მოვლენის დასაწყისია, რომლის საბოლოო შედეგი უნდა იყოს საქართველოში ჰომოსექსუალობის, მამათმავლობის, გარყვნილობის, გახრწნოლობის, გაუკუღმართებული ცხოვრების წესის მორალური და სამართლებრივი ლეგალიზაცია,, - აღნიშნა თარგამაძემ.

მისივე თქმით, მთელ რიგ ქვეყნებში, მათ შორის საქართველოშიც, სექსუალურ უმცირესობებს დიდი ხანია პრობლემები არა აქვთ, თუმცა ამით არ კმაყოფილდებიან და რიგ ქვეყნებში, მაღალ პოლიტიკურ თანამდებობებს იკავებენ. თარგამაძის თქმით, ამის შემდეგ ხდება ერთ სქესიანი ქორწინებებისა და სუროგატების გზით შვილების აყვანის დაკანონებაც.

,,საქართველო საერო - სეკულარული სახელმწიფოა და მხარს უჭერს ეკლესიის გამოყოფას სახელმწიფოდან, საგანმანათლებლო დაწესებულებიდან, თუმცა ეს არ ნიშნავს იმას, რომ საქართველო დაცლილი უნდა იყოს რელიგიური ფასეულობებისგან და ღირებულებესიგან. ამ შემთხვევებში, ცალკეული ევროპული ქვეყნების მაგალითი ვერ იქნება განმსაზრრელი, რადგან იქ გაცხადებული ათეისტების რაოდენობა 50%-ს აჭარბებს, საქართველოში კი საბდენიეროდ ძლიერია ტრადიციული ღორებულებები და 90%-ზე მეტი ამბობს, რომ მოწრმუნე ქრისტიანია, როგორც მართლმადიდებელი, ასევე გრიგორიანელი და 7%-ზე მეტი ამბობს, რომ მორწმუნე მაჰმადიანია,, - აღნიშნა თარგამძემ.
მისი თქმით, საქართველოს კანონდმებლობა და კონსტიტუცია უნდა პასუხიბდეს იმ ღირებულებებს და ფასეულობებს, რომელიც ასეთი ქვეყნის მრავალეთნიკური და მრავალკონფესიური საზოგადეობისთვის მნიშვნელოვანი და ღირებულია.

შესაბამისად, ,,ქრისტიან-დემოკრატები,, საზოგადეობას საკონსტიტუციო ცვლილებების პაკეტს სთავაზობენ, რომელშიც 5 ცვლილებაა მოცემული. მოძრაობის წევრები საკონსტიტუციო ცვლილებების მოთხოვნით მთელი საქართველოს მასშტაბით ხელმოწერების შეგროვებას იწყებენ და იმედოვნებენ, რომ ხელმოწერებს ყველა ეთნიკური და რელიგიური ჯგუფის მოქალაქეები შეუერთდებიან.