"მე შემიძლია გითხრათ მხოლოდ ერთი, რომ "ინტერ რაო ეესი"თელასის 75 %-ს ფლობს, როგორც ადრე. არ ვადასტურებ ინფორმაციას იმის შესახებ, რომ თითქოს "თელასის" წილი ბიძინა ივანიშვილმა იყიდა", - განაცხადა "ჯი-ეიჩ-ენთან" საუბარში გორელოვმა.

,,ქართული ოცნების" პრესსპიკერს მაია ფანჯიკიძეს ბიძინა ივანიშვილის მიერ "თელასის" შესაძლო ყიდვის შესახებ ინფორმაცია არ აქვს. როგორც დღეს გამართულ პრეკონფერენციაზე ფანჯიკიძემ განაცხადა, ეს არის ბიძნა ივანიშვილის კერძო ბიზნესის საქმე შესაბამისად ამაზე ლაპარაკის უფლებამოსილება მას არ აქვს.

სააქციო საზოგადოება „თელასი" დაფუძნებულია „მეწარმეთა შესახებ" საქართველოს კანონის, „სახელმწიფო საწარმოთა და სახელმწიფოთა საწარმოთა გაერთიანებების სააქციო საზოგადოებებად გარდაქმნის საორგანიზაციო ღონისძიებების შესახებ" საქართველოს რესპუბლიკის მინისტრთა კაბინეტის 1993 წლის 14 აპრილის N228 დადგენილების და ქ. თბილისის სახელმწიფო ქონების მართვის დეპარტამენტის 1998 წლის 6 მაისის N1-3/188 ბრძანების შესაბამისად.

სააქციო საზოგადოება „თელასი" რეგისტრირებულია ქ. თბილისის დიდუბის რაიონის სასამართლოს მიერ 1995 წლის 14 მაისს. 1998 წლის 21 დეკემბერს AES Silk Road Holdings B.V., AES კორპორაციამ შეისყიდა სააქციო საზოგადოება „თელასის" აქციათა 75%. 2003 წლის აგვისტოში AES კორპორაციამ, ბოლო მფლობელმა, მიყიდა "Silk Road Holdings B.V."-ს აქციათა პაკეტის 100% ფინურ კომპანიას - სააქციო საზოგადოება RAO Nordic Oy (INTER RAO Holdings B.V.), რომლის ერთადერთი მფლობელია დსს „ინტერ რაო ეეს"-ი (ამჟამად, ღსს „ინტერ რაო ეეს"-ი).

შეგახსენებთ, "ქრონიკა" დღევანდელ ნომერში სანდო წყაროზე დაყრდნობით წერს, რომ "ბიძინა ივანიშვილმა თავისი რუსული ბანკი კი არ გაყიდა, "თელასში" გადაცვალა და შემოდგომიდან თბილისში დენის ფასი 6 თეთრი იქნება, სოციალურად დაუცველთათვის კი -4 თეთრი".