სინოპტიკოსები მთელი საქართველოს მასშტაბით უხვ ნალექს ელიან. წვიმაა მოსალოდნელი დედაქალაქშიც.
"წვიმას ისევ ველოდებით. დღესაც მოსალოდნელია წვიმა და ამ დღეებშიც რჩება ძლიერი წვიმის საშიშროება ლოკალურ ადგილებში", _ განაცხადა ,,ჯი-ეიჩ-ენთან" ჰიდრომეტეოროლოგიური პროგნოზირების სამმართველოს უფროსმა სვეტა ნიორაძემ და აღნიშნა, რომ ნალექი ნგრევას აღარ გამოიწვევს.
,,ისეთი წვიმა, როგორიც წუხელ იყო არ ვვარაუდობთ, მაგრამ შესაძლებლია ძლიერი წვიმის საშიშროება ლოკალურ ადგილებში", _ განაცხადა ,,ჯი-ეიჩ-ენთან" ჰიდრომეტეოროლოგიური პროგნოზირების სამმართველოს უფროსმა.
16 მაისიდან მთელი საქართველოს მასშტაბით გამოიდარებს.
"აღმოსავლეთ საქართველოში ცალკეულ რაიონებში შესაძლებელია, რომ იყოს ძლიერი წვიმა და დასავლეთ საქართველოშიც მოსალოდნელია წვიმა. უკვე 16 მაისიდან გამოიდარებს დასავლეთში უნალექოდ, აღმოსავლეთში მოსალოდნელია ხანმოკლე წვიმა", _ განაცხადა ,,ჯი-ეიჩ-ენთან" საუბარში სვეტა ნიორაძემ.
