სტიქიის შედაგად დაზარალებულებს, რომლებიც თავშესაფარის გარეშე დარჩნენ, ქალაქის მერია და შესაბამისი მუნიციპალიტეტები იზრუნებენ, - ამის შესახებ "ჯი-ეიჩ-ენს" საგანგებო სიტუაციათა სამსახურის უფროსმა თემურ გიორგაძემ განუცხადა. მისი თქმით, ადგილზე იმყოფებიან მერიის შესაბამისი სამსახურები და ამ პრობლემას აგვარებენ.
"ამ დროისათვის წყლის დონემ დაიწია. დარჩენილია რამდენიმე ადგილი, თუმცა მუშაობა გრძელდება. ოჯახები, რომელთა სახლებშიც შესვლა შესაძლებელი უკვე ბრუნდებიან და თუ ვინმე დარჩება თავშესაფრის გარეშე მათზე შესაბამისი მუნიციპალიტეტები იზრუნებენ", - განუცხადა "ჯი-ეიჩ-ენს" გიორგაძემ.
შეგახსენებთ, რომ 12 მაისს თბილისში, კოკისპირული წვის გამო მოვარდნილმა ღვარცოფმა ორთაჭალაში მთაზე მიწის ნაწილი მოწყვიტა, რამაც კოლექტორი ჩახერგა და წყლის კალაპოტი შეცვალა. ადიდებული მტკვარი კალაპოტიდან სავალ გზაზე გადავიდა.
ღვარცოფმა მტკვრის მარჯვენა სანაპიროზე ავტომანქანები ამოაბრუნა.დაიტბორა რამდენიმე საცხოვრებელი სახლიც. დედაქალაქის რამდენიმე უბანს ელეტროენერგიის მიწოდება შეწყვეტილი აქვს. გარდა რამდენიმე ქუჩისა, მოძრაობა დედაქალაქში ყველა მიმართულებით თავისუფალია. დაღუპულია 4 ადამიანი - ორი ქალი და ორი მცირეწლოვანი.
