სამი ადამიანი, რომელიც დაკარგულად ითვლებოდა ნაპოვნია და ცოცხალია, - ამის შესახებ ჯი-ეიჩ-ენს, საგაგებო სიტუაციათა სამსახურის უფროსმა თემურ გიორგაძემ განუცხადა.
მისი თქმით, წყლის დონემ დაიწია და ამ დროისათვის გაწმენდითი სამუშაოები გრძელდება.
შეგახსენებთ, რომ 12 მაისს თბილისში, კოკისპირული წვის გამო მოვარდნილმა ღვაცოფმა ორთაჭალაში მთაზე მიწის ნაწილი მოწყვიტა, რამაც კოლექტორი ჩახერგა და წყლის კალაპოტი შეცვალა. ადიდებული მტკვარი კალაპოტიდან გადმოვიდა და სავალ გზაზე გადავიდა.ღვარცოფმა მტკვრის მარჯვენა სანაპიროზე ავტომანქანები ამოაბრუნა.დაიტბორა რამდენიმე საცხოვრებელი სახლიც. დედაქალაქის რამდენიმე უბანს ელეტროენერგიის მიწოდება შეწყვეტილი აქვს.
თბილისში წყალდიდობის გამო ყველაზე სახიფათო ადგილებში მოსახლეობის ევაკუაცია დასრულებულია. შექმნილი საგანგებო ვითარების მიუხედავად, პანიკა არ იგრძნობა და მოსახლეობა სიმშვიდეს ინარჩუნებს. გარდა რამდენიმე ქუჩისა მოძრაობა დედაქალაქში ყველა მიმართულებით თავისუფალია.
სტიქიის შედეგად დაღუპულია ხუთი ადამიანი. სამი ქალი და ორი მცირეწლოვანი ბავშვი. მიმდინარეობს მათი იდენტიფიცირება.
