ევროკავშირის წევრი სახელმწიფოს მოქალაქისთვის არჩევნებში მონაწილეობის უფლება, დროებითი 3-წლიანი ნორმა იქნება. ამის შესახებ საყოველთაო-სახალხო განხილვის საკონსტიტუციო კომისიის დღევანდელ, შემაჯამებელ სხდომაზე, იურიდიულ საკითხათა კომიტეტის თავმჯდომარე პავლე კუბლაშვილმა განაცხადა.
მისი თქმით, კონსტუტუციის გარდამავალ დებულებაში კერძოდ ჩაიწერება, რომ ევროკაშირის წევრი ქვეყნის მოქალაქეს, უფებას ექნება, პარლამენტში იყაროს კენჭი ან არჩეულ იქნას რომელიმე თანამდებობაზე.
კუბლაშვილის განმარტებით, ამ ნორმის ჩადება ყოველგვარი სპეკულაციების გამორიცხვას ემსახურება.
„კვლავ რომ არ იყოს სპეკულაციები, თითქოს ივანიშვილს რომელიმე არჩევნებში მონაწილეობის უფლება არ ექნება, ამ სპეკულაციებს ერთხელ და სამუდამოდ გამოვრიცხავთ" - აღნიშნა დეპუტატმა.
საკონსტიტუციო ცვლილებებზე მსჯელობას პარლამენტი 8 მაისს, პლენარულ სხდომაზე დაიწყებს.
საკონსტიტუციო ცვლილებების თანახმად, არჩევნებში მონაწილეობის უფლება ევროკავშირის წევრი ქვეყნების იმ მოქალაქეებს ეძლევათ, რომლებიც საქართველოში არიან დაბადებული და აქ 10 წელი მაინც უცხოვრიათ.
