ამერიკის საერთაშორისო რესპუბლიკური ინსტიტუტი (IRI) საქართველოში ჩატარებული პოლიტიკური რეიტინგების კვლევის შედეგების პრეზენტაციას მართავს.
როგორც პარლამენტის პირველმა ვიცე-სპიკერმა მიხეილ მაჭავარიანმა განაცხადა, კვლევები მსოფლიოში ერთ-ერთი ავტორიტეტული ორგანიზაციის - "GALLUP"-ის მიერ ჩატარდა და მის შედეგებს პარტიები უკვე მეორე დღეა ეცნობიან.
მაჭავარიანის თქმით, რეიტინგების შედეგებს მმართველი პარტია დღეს, 21:00 საათზე გაეცნობა.
"ჩვენ მზად ვართ, ჩვენი რეიტინგული მონაცემები განვასაჯაროოთ, თუმცა ეჭვი მაქვს, ზოგიერთებისთვის ისინი მიუღებელი აღმოჩნდება", - აღნიშნა მაჭავარიანმა, რომლის ინფორმაციით, ამერიკის საერთაშორისო რესპუბლიკურ ინსტიტუტს სპეციალურად ამ კვლევისთვის ექსპერტებიც ჰყავს ჩამოყვანილი.
