ევროკავშირ-საქართველოს საპარლამენტო თანამშრომლობის კომისიის სხდომაზე ოკუპირებულ ტერიტორიებზე, უსაფრთხოების საკითხებსა და საქართველო sa da eვროკავშირის თანამშრომლობაზე ისაუბრებენ. ამის შესახებ საქართველოში ევროკავშირის ელჩმა ფილიპ დიმიტროვმა ჟურნალისტებთან სხდომის დაწყებამდე განაცხადა.
კომისიის სხდომა პარლამენტის ევროპასთან ინტეგრაციის კომიტეტის თავმჯდომარე დავით დარჩიაშვილმა და ევროკავშირ-საქართველოს საპარლამენტო კომისიის თანათავმჯდომარე მილან ცარბნოხმა გახსნეს.
დარჩიაშვილმა განმარტა, რომ კომისია საქართველო-ევროკავშირს შორის აქტუალურ საკითხებს განიხილავს. კერძოდ, ევროკავშირთან ასოცირების შეთანხმებას და თავისუფალი ვაჭრობის შესახებ ხელშეკრულებასთან დაკავშირებულ საკითხს.
3 მაისს ევროპასთან ინტეგრაციის კომიტეტის თავმჯდომარე დავით დარჩიაშვილი და ევროკავშირ-საქართველოს საპარლამენტო კომისიის თანათავმჯდომარე მილან ცარბნოხი ერთობლივ ბრიფინგს გამართავენ.
ევროკავშირ-საქართველოს საპარლამენტო თანამშრომლობის კომისიის სხდომა დახურულ კარს მიღმა მიმდინარეობს.
