პარლამენტის თავმჯდომარე დავით ბაქრაძემ დღეს ქუთაისში მშენებარე პარლამენტის მშენებლობა მოინახულა.
როგორც პარლამენტის პრესსამსახური იუწყება 26 მაისისთვის საქართველოს პარლამენტის სამშენებლო სამუშაოების ერთი ნაწილი დასრულდება და შენობას შემინული ფასადი, სხდომათა დარბაზი, მოწესრიგებული დერეფნები და ეზო ექნება. საქართველოს პარლამენტი 24 საათიან რეჟიმში შენდება. შენობა და მიმდებარე ტერიტორია მთლიანად ოქტომბრამდე დასრულდება.
პარლამენტის თავმჯდომარესთან ერთად სამშენებლო სამუშაოები რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა, ასევე ქუთაისის მერმა გიორგი თევდორაძემ და საქართველოს პარლამენტის აპარატის ხელმძღვანელობამ მოინახულეს.
საქართველოს პარლამენტის სხდომა 26 მაისს ქუთაისში, პირველად გაიმართება.
