კონტროლის პალატასთან პარტია „განახლებული საქართველოსთვის" მხარდამჭერებმა სოლიდარობის აქცია გამართეს. აქციის მონაწილეებმა კონტროლის პალატის ის სანქციები გააპროტესტეს, რომელიც პარტია „განახლებული საქართველოსთვის" წევრების მიმართ მიღებული. კერძოდ, კონტროლის პალატაში დანიშნულ იქნა საქმის განხილვა ადმინისტრაციულ სამართალდარღვევაზე იმ წევრების მიმართ, რომლებმაც პარტიის ანგარიშზე შემოწირულობები განახორციელეს.
პარტიის წევრები: ლევან გვარმიანი, ლაშა გვასალია, გიორგი ოძელი, მარლენ ხუცურაული, ბესიკ მამულაშვილი მამუკა ჯოლია, უკვე მეორედ დაიბარეს და ისინი ადვოკატთან ერთად კონტროლის პალატის შენობაში 4 საათის განმავლობაში იმყოფებოდნენ.
აქციაზე პარტიის ლიდერებმა ადამიანის უფლებათა დამცველ ორგანიზაციებს, მედიას, არასამთავრობო და დიპლომატიური კორპუსს მიმართეს მხარდასაჭერად.
„მიუხედავად იმისა, რომ შემომწირველებმა სრულად დაასაბუთეს თანხების წარმომავლობის კანონიერება, კონტროლის პალატის წარმომადგენლები გამოთქვამდნენ სრულიად უსაფუძვლო ეჭვებს მიცემული ახსნა-განმარტებების მიმართ. უდანაშაულობის პრეზუმფცი იგნორირებულ იქნა, რადგან არაფრით დასტურდება თუნდაც ვარაუდი იმის შესახებ, რომ ფულადი სახსრები შემოწირულ იქნა კანონდარღვევით. ყოველივე წარმოადგენს პოლიტიკურ ზეწოლას, რასაც არაფერი აქვს საერთო სამართალთან. მოგმართავთ თხოვნით სათანადო რეაგირების შესახებ", - აღნიშნულია განცხადებაში.
