პატიმართა ვადამდელი გთავისუფლების კომისიის წევრად ,,ეროვნულ-დემოკრატიული,, პარტიის წევრი გურამ ჩახვაძე წარადგინეს. სასჯელარსრულების, პრობაციის და იურიდიული დახმარების საკითხთა სამინისტროს მუდმივმოქმედი კომისიის წევრად ჩახვაძის კანდიდატურა საპარლამენტო ფრაქცია „ძლიერმა საქართველომ" დაასახელა.
კომისიაში ასევე წარდგენილია უმრავლესობის წევრი ეკა ხერხეულიძე.
მუდმივმოქმედი კომისიის ის წევრები, რომლებიც კომისიაში წარადგინა საქართველოს პარლამენტის უმრავლესობამ, უმრავლესობის გარეთ დარჩენილმა პარლამენტის წევრებმა და საკოორდინაციო საბჭომ, ყოველ 3 თვეში ექვემდებარებიან როტაციის წესით შეცვლას.
სასჯელაღსრულების, პრობაციისა და იურიდიული დახმარების საკითხთა სამინისტროს მუდმივმოქმედი კომისია 9 წევრისაგან შედგება.
კომისიის შემადგენლობაში როტაციის წესით შედიან: უმრავლესობის ერთი წარმომადგენელი, უმრავლესობის გარეთ დარჩენილ პარლამენტის წევრთა ერთი წარმომადგენელი და არასამთავრობო ორგანიზაციების ერთი წარმომადგენელი და სასჯელაღსრულების, პრობაციისა და იურიდიული დახმარების საკითხთა სამინისტროს სისტემის 6 თანამშრომელი.