საქართველოსთვის კორეული ეკონომიკის მაგალითი მისაბაძია, - განუცხადა ჟურნალისტებს ფინანსთა მინისტრმა დიმიტრი გვინდაძემ სასტუმრო "ქორთიარდ მარიოტში" საქართველო-კორეის ბიზნესფორუმის დაწყებამდე.
მინისტრის თქმით,"დღეს როდესაც მსოფლიოში საუბარია ეკონომიკურ საოცრებებზე ძალიან ხშირად იგულისხმება სამხრეთ კორეის ეკონომიკა.
"სამხრეთ კორეა არის ის ქვეყანა, რომელიც ბოლოს წლების განმავლობაში ჩამოყალიბდა აზიის ერთ-ერთ საკვანძო ეკონომიკად. თავისი ეკონომიკური სიძლიერიდან გამომდინარე ბუნებრივია სამხრეთ კორეას გააჩნია გლობალური საინვესტიციო და სავაჭრო სტრატეგიები. მნიშვნელოვანია, რომ ჩვენ ამ სტრატეეგის ნაწილი გავხდეთ. ძირითადი მიზანი ამ ბიზნესფორუმისა სწორედ სავაჭრო და საინვესტიციო კავშირების გაძლიერებაა",- აღნიშნა დიმიტრი გვინდაძემ.
აღსანიშნავია, რომ კორეის დელეგაციაში შემავალი ბიზნესმენები წარმოადგენდნენ კომპანიებს საინვესტიციო, საფინანსო, სამრეწველო, ნავთობისა და გაზის, ქიმიური მრეწველობის, ენერგეტიკის, ვაჭრობისა და ტელეკომუნიკაციების სფეროებიდან. მათი მიზანია საქართველოში ბიზნეს პარტნიორების მოძიება და საქმიანი ურთიერთანამშრომლობის დამყარება.