დღეს, 26 აპრილს, 13:00 საათზე, "თეგეტა მოტორსის" სათავო ოფისში გაიმართება უმსხვილესი ფრანგული ბრენდის, "მიშლენის" საქართველოს ბაზარზე შემოსვლასთან დაკავშირებით მიძღვნილი სპეციალური ღონისძიება. ღონისძიების ფარგლებში ხელი მოეწერება ურთიერთთანამშრომლობის ხელშეკრულებას, რომლის თანახმადაც, კომპანია "თეგეტა მოტორსს" მიენიჭება საბურავების მსოფლიო ბრენდის "მიშლენის" ექსკლუზიური დისტრიბუტორის სტატუსი.
უახლოეს მომავალში „თეგეტა მოტორსი" მიშლენის სპეციალიზებული მაღაზიების Tire plus-ის ქსელის გახსნას გეგმავს, სადაც წარმოდგენილი იქნება პროდუქციის ფართო ასორტიმენტი, მომხმარებელს კი საშუალება ექნება მიიღოს მაღალი დონის მომსახურება. "მიშლენის" საბურავებს ახასიათებს მაქსიმალური კომფორტი, უსაფრთხოება და მაღალი გარბენი, რაც მას გამოარჩევს სხვა პრემიუმკლასის ბრენდების საბურავებისგან.
Michelin დაარსდა 1888 წელს საფრანგეთში. იგი წარმოადგენს საბურავების მწარმოებელ ერთ-ერთ უმსხვილეს კომპანიას მსოფლიოში. დაარსებიდან დღემდე კომპანიის მთავარ მიზანს წარმოადგენს მომხმარებელს შესთავაზოს მოწინავე ტექნოლოგიებისა და ინოვაციების გამოყენებით დამზადებული პროდუქტი.
