ევროსაბჭოს საპარლამენტო ასამბლეაში დღეს საქართველოს საპარლამენტო დელეგაციის ვიზიტი დაიწყო. ნაციონალურო მოძრაობის პრესსამსახურის ცნობით, ასამბლეის სესიაში მონაწილეობის პარალელურად ქართველი დეპუტატები საბჭოში ორმხრივ შეხვედრებს მართავენ. ქართველ დეპუტატებთან შეხვედრისას ჩეხეთის, პოლონეთისა და ესტონეთის დეპუტატებმა ორმხრივი ურთიერთობები განიხილეს. ევროპელი დეპუტატები ასამბლეაში ქართულ დელეგაციას სრულ მხარდაჭრას დაჰპირდნენ. ორმხრივ შეხვედრებს ქართული დელეგაცია ხვალაც გამართავს.
დელეგაციას, რომლის შემაგენლობაშიც შედიან: აკაკი მინაშვილი, ჩიორა თაქთაქიშვილი, დავით დარჩიაშვილი, გიორგი კანდელაკი, მიხეილ მაჭავარიანი და სხვები, უმრავლესობის ლიდერი პეტრე ცისკარიშვილი ხელმძღვანელობს.
23-27 აპრილს სტრასბურგში ევროსაბჭოს საპარლამენტო ასამბლეის საგაზაფხულო სესია იმართება. სხვა საკითხებთან ერთად, ერთ-ერთი განსახილველი თემა რუსეთში ჩატარებული საპრეზიდენტო არჩევნები იქნება.
