ფრაქცია "ერთობა სამართლიანობისთვის" პარლამენტში ხუთ მინისტრს იბარებს. ფრაქციის ინიციატივით პარლამენტში იუსტიციის მინისტრი ზურაბ ადეიშვილი, შს მინისტრი ვანო მერებიშვილი, სასჯელაღსრულების მინისტრი ხათუნა კალმახელიძე, კულტურის მინისტრი ნიკოლოზ რურუა და განათლების მინისტრი დიმიტრი შაშკინია დაბარებული.
როგორც ბიუროს დღევანდელ სხდომაზე პარლამეტის თავმჯდომარე დავით ბაქრაძემ განმარტა, ხვალ, პარლამენტის პლენარულ სხდომაზე განაცხადებს გაიმართება თუ არა ხუთშაბათს სამთავრობო საათი.
ბაქრაძის თქმით, მას სამთავრობო საათის გამართვის შესახებ მინისტრებთან კონსულტაციები ჰქონდა და ერთადერთი მინისტრი ვისთანაც კონსულტაციები ვერ გაიარა ზურაბ ადეიშვილია, რადგან ის საქართველოში არ იმყოფებოდა.
ოპოზიციონერმა დეპუტატებმა მინისტრებს 26 შეკითხვა უკვე გაუზავნეს.
