კოალიციაში შემავალ ადამიანებს უპატიებელი შეცდომები არ დაუშვიათ, - განაცხადა ბიძინა ივანიშვილის "ქართული ოცნების" ოფისში დღეს გამართულ პრეკონფერენციაზე.
"შეცდომები კი ჰქონდათ, მაგრამ ვთვლი, რომ ეს შეცდომები საპატიებელია", _ განაცხადა ბიძინა ივანიშვილმა და აღნიშნა, რომ ამ ქვეყანაზე უშეცდომო ადამიანი არ არსებობს.
მისივე თქმით, შეიძლება გარკვეული შეკითხვები კოალიციაში შემავალ ლიდერების მისამართით არსებობდეს, მაგრამ ეს კითხვები მმართველ გუნდთან მიმართებით უფრო მსუბუქია.
,,ამ ქვეყანაში ფრთაგამოსხმული ანგელოზები არავინ ვართ და ცოტა, თუ ბევრი შეცდომა ყველას გააჩნია და ყველაფერი შედარებითია. აქედან გამომდინარე კოალიციაში შემავალი ლიდერებსაც და სხვა წევრებსაც მიმაჩნია, რომ აქვთ ნორმალური წარსული",_ განაცხადა ივანიშვილმა ჟურნალისტებთან.
"გარკვეული სახის შეკითხვები კოალიციაში შემავალი ლიდერების მიმართ არსებობს, მაგრამ ეს კითხვები გაცილებით მსუბუქია ვიდრე, ჩვენი ოპონენტების, რომლებიც მეორე მხარეს დგანან", _ განაცხადა ,,ქართული ოცნების" ლიდერმა ბიძინა ივანიშვილმა.
