საქართველო ტელერადიოკომპანია "მირთან" დაკავშირებული შეთანხმებიდან გამოვიდა. საქართველოს პრეზიდენტმა "სახელმწიფოთაშორისი ტელერადიოკომპანია "მირის" საქმიანობის შეუფერხებელი და დამოუკიდებელი განხორციელების საერთაშორისო-სამართლებრივი გარანტიების შესახებ" შეთანხმების მოქმედების საქართველოს მიმართ შეწყვეტის თაობაზე ბრძანებულება გამოსცა.
შესაბამისი ბრძანებულება საკანონმდებლო მაცნეში უკვე გამოქვეყნდა.
პრეზიდენტის ბრძანებაში აღნიშნულია, რომ:
1. შეწყდეს საქართველოს მიმართ 1993 წლის 24 დეკემბერს ქ. აშხაბადში ხელმოწერილი "სახელმწიფოთაშორისი ტელერადიოკომპანია "მირის" საქმიანობის შეუფერხებელი და დამოუკიდებელი განხორციელების საერთაშორისო-სამართლებრივი გარანტიების შესახებ" შეთანხმების მოქმედება.
2. საქართველოს საგარეო საქმეთა სამინისტრომ შეატყობინოს დეპოზიტარს ამ ბრძანებულების პირველ პუნქტში აღნიშნული შეთანხმების მოქმედების საქართველოს მიმართ შეწყვეტის თაობაზე".
