დღეს, 20 აპრილს, 19:30 საათზე, ვანო სარაჯიშვილის სახელობის კონსერვატორიის დიდ დარბაზში ფესტივალის "აღდგომიდან ამაღლებამდე" ფარგლებში ვოკალური მუსიკის საღამო გაიმართება. საღამო ეძღვნება ვაჟა ჩაჩავას ხსოვნას.
კონცერტში მონაწილეობენ ნანა მირიანი (ქავთარაშვილი) - სოპრანო, სალომე ჯიქია - სოპრანო, ნანა ძიძიგური - მეცოსოპრანო, მამუკა მანჯგალაძე - ტენორი, გიორგი წამალაშვილი - ბარიტონი. თბილისის ყოვლადწმიდა სამების საკათედრო ტაძრის საპატრიარქო გუნდი. კონცერტმაისტერი -ვიქტორია ჩაპლინსაკია.
საერთაშორისო ფესტივალი "აღდგომიდან ამაღლებამდე" სრულიად საქართველოს კათალიკოს-პატრიარქის საერთაშორისო საქველმოქმედო ფონდმა 2006 წელს მისი უწმინდესობის ლოცვა-კურთხევით დააარსა. VII ფესტივალი ეძღვნება პატრიარქის აღსაყდრებიდან 35 წლისთავს.
ფესტივალის სამხატვრო ხელმძღვანელია ალექსანდრე კორსანტია.
