"ის, რომ ჩვენ ჩვენს მოქალაქეებს ვაძლევთ უფლებას მკურნალობისათვის საქართველოში ჩავიდნენ სულაც არ ნიშნავს, იმას, რომ ჩვენ გვაქვს სურვილი ვინმესთან დავახლოვდეთ", _ ეს განცხადება აფხაზ სეპარატისტთა ლიდერმა ალექსანდრე ანქვაბმა აფხაზეთის ე.წ. მოქალაქეების დანარჩენ საქართველოში სამკურნალოდ ჩამოსვლის ფაქტების კომენტირებისას გააკეთა. ინფორმაციას ამის შესახებ აფხაზური მედია ავრცელებს.
ანქვაბის თქმით, აქ საუბარი ადამიანების სიცოცხლის გადარჩენაზე მიდის.
"ჩვენ სხვა და სხვა სიტუაციებს ვეჯახებით. დახმარება ხან ჩვილ ბავშვებს სჭირდებათ და ხანაც ომის ვეტერანებს. მე მესმის ომის ვეტერანის ოჯახის წევრების, რომლებსაც მისი სიცოცხლის გადარჩენა სურდათ. მისი თანამებრძოლებისა და ოჯახის წევრების თხოვნაზე საქართველოში გადაეყვანათ ეს ადამიანი სამკურნალოდ მე ვუპასუხე: "მე შემიძლია ამის გაკეთება აგიკრძალოთ, მაგრამ მე ამას არ გავაკეთებ, იმიტომ, რომ მესმის თქვენი მდგომარეობა. თუმცა გაითვალისწინეთ, ამან შესაძლოა საზოგადოებაში სერიოზული პოლემიკა გამოიწვიოს". საუბედუროდ იგი გარდაიცვალა, გარდაიცვალა აფხაზეთის ფარგლებს გარეთ - საქართველოში", - აცხადებს ანქვაბი.
"მანახეთ მე ადამიანი, რომელიც ასეთ შემთხვევებში "არას" იტყვის და ავადმყოფების გადაყვანას აკრძალავს, მაგრამ, ეს სულკაც არ ნიშნავს, იმას, რო ჩვენ ქართული მედიცინის ტყვეობაში ვიმყოფებით. სულაც არა",_ აცხადებს ალექსანდრე ანქვაბი.