საწვავის ბიზნესში თავისუფალი კონკურენციის დაშვების შემთხვევაში, ბენზინი 15-20 თეთრით გაიაფდება, - ამის შესახებ "ქრისტიან-დემოკრატების"წევრმა ლევან ვეფხვაძემ პარლამენტის დღევანდელ პლენარულ სხდომაზე უმრავლესობის წებრის აკაკი ბობოხიძის საპასუხოდ განაცხადა, რომლის თანახმადაც, ხელისუფლებას საწვავზე ფასების რეგულირების ბერკეტები არ გააჩნია.
,,სამწუხაროდ საქართველოს ხელისუფლებას არანაირი ბერკეტი ჯერჯერობით ფასების დარეგულირებაში არ გააჩნია. არსად საქართველოს არცერთ ტერიტორიაზე ნავთობსაბადოები აღმოჩენილი არ არის, ყოველშემთხვევაში იმ რაოდენობით, რომ ეყოს საქართველოს მოსახლეობას,, - აღნიშნა ბობოხიძემ.
ვეფხვაძე კი ხელისუფდლებას ურჩევს, საწვავის ბიზნესში თავისფალი კონკურენცია დაუშვას, რის შედეგადაც, ვეფხვაძის გათვლებით, საწვავი 15-20 თეთრით გაიაფდება.
"ეს დამოკიდებულია თქვენს პოლიტიკურ ნებაზე. პირადად თქვენი არა, ბატონო კაკო, თქვენ და ძალიან ბევრ დეპუტატს კეთილი ზრახვები გაქვთ და ვერ დაგდებთ ბრალს, მაგრამ არიან ადამაინები, რომლებიც გველეშაპევით ასხედან ამ ბიზნესს" - განაცხადა ვეფხვაძემ და დასძინა, რომ ეს ადამაინები არ იძლევიან საშუალებას, რომ საწვავის ბიზნესი თავისუფალ კონკურენციაში აღმოჩნდეს.
