საქართველოს პრეზიდენტი დღეს ყაზბეგს სტუმრობდა. დაბა სტეფანწმინდაში მიხეილ სააკაშვილმა ახალი სამედიცინო ცენტრი დაათვალიერა, რომელიც დეკემბერში გაიხსნა და ულტრათანამედროვე აპარატურით არის აღჭურვილი. ქვეყნის პირველი პირი ახალი ქართული ბრენდის „რუმს ჰოტელის" მორიგი სასტუმროს „რუმს ყაზბეგის" მშენებლობის პროცესით დაინტერესდა, რომელიც პირველ დამსვენებელს უკვე ივნისიდან მიიღებს.
მიხეილ სააკაშვილი ყაზბეგის მოსახლეობასაც შეხვდა და მათ რეგიონის განვითარების აუცილებლობასა და მნიშვნელობაზე ესაუბრა.
ქვეყნის პირველი პირი მოულოდნელად ლარსის სასაზღვრო-გამშვებ პუნქტზეც მივიდა და რუსეთიდან საქართველოში შემოსულ სტუმრებს პირადად ხვდებოდა.
