საქართველოს პრეზიდენტმა მიხეილ სააკაშვილმა ბორჯომში რეაბილიტირებული და მშენებარე ობიექტები დაათვალიერა. მიხეილ სააკაშვილი იმყოფებოდა ასევე ლიკანში, სადაც "რიქსოსის" ოთხვარსკვლავიანი სასტუმრო შენდება.
პრეზიდენტის თქმით, ბორჯომში უახლოეს მომავალში ექვსი სასტუმრო იქნება, რომელიც დაახლოებით სამი ათას ადამიანს დაასაქმებს. მიხეილ სააკაშვილი მშენებარე ობიექტებზე დასაქმებულებსაც გაესაუბრა.
ბორჯომში სარეაბილიტაციო სამუშაოები რამდენიმე თვეა მიმდინარეობს. რეაბილიტაცია უტარდება სახლებსა და ისტორიულ ნაგებობებს. იგება შიდა და ცენტრალური გზები.
