სუპერმარკეტების ქსელი „სმარტი" ერთგული მომხმარებლებისათვის ექსკლუზიურ შეთავაზებებს განაგრძობს და ხორცპროდუქტების წარმოების 60 წლიანი გამოცდილების მქონე, მსოფლიოს წამყვანი ესპანური ბრენდის - „კამპოფრიოს" 40 სახეობის ძეხვეულის რეალიზაციას იწყებს.
"კამპოფრიოს" წარმოების ლორის, ძეხვის, სოსისის, ჩალაღაჯის 40 სხვადასხვა სახეობის ხორცპროდუქტები „სმარტში" მისაღებ ფასად იყიდება. „კამპოფრიოს" საქონლის, ღორის, ქათმისა და ინდაურის ხორცის პროდუქტების შეძენა 1.60 ლარიდან 25 ლარამდეა შესაძლებელი და სხვადასხვა წონისა და შეფუთვის ხორცპროდუქტები ნებისმიერი გემოვნების მქონე მომხმარებელს მოხიბლავს.
"მოხარული ვართ, რომ „სმარტის" მომხმარებელს კიდევ ერთ ექსკლუზიურ პროდუქტს ვთავაზობთ. ესპანური ბრენდის - „კამპოფრიოს" პროდუქცია გამოირჩევა უმაღლესი ხარისხითა და ფართო არჩევანით. შესაბამისად, ვფიქრობთ, რომ „კამპოფრიო" ხორცპროდუქტების მოყვარული მომხმარებლისთვის ერთ-ერთი საყვარელი ბრენდი გახდება", - აცხადებენ „სმარტში".
ესპანური ბრენდი „კამპოფრიო" 1952 წელს დაარსდა და დღესდღეობით ხორცპროდუქტების ლიდერი მწარმოებელია ევროპაში. უმაღლესი ხარისხის ხორცპროდუქტების წარმოებისათვის ბრენდი უახლეს ტექნოლოგიებს იყენებს, შესაბამისად, ნატურალური ხორცისგან დამზადებული, ჯანსაღი პროდუქტები მიმზიდველა ყველაზე მომთხოვნი მომხმარებლისთვისაც კი.
"სმარტი" გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. დღესდღეობით „სმარტს" დაახლოებით 16 ექსკლუზიური კონტრაქტი აქვს ევროპელ მომწოდებლებთან. ვისოლ ჯგუფმა „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს აღმაშენებლის ხეივნის მე-13 კილომეტრზე, ვაზისუბნის მეორე მიკრორაიონში, მარნეულში, ყვარელსა და ჩქაროსნული ავტომაგისტრალის გორის მონაკვეთზე.